Einstaklingar

    Fyrir einstaklinga:

    Á Sálstofunni þjónustum við börn, unglinga og foreldra/ forráðamenn.

    Sálfræðingar Sálstofunnar hafa mikla reynslu af því að sinna greiningu, ráðgjöf og meðferð vegna þroskafrávika, hegðunarvanda og tilfinningavanda.

    Unnið er með gagnreyndar aðferðir með hliðsjón af klínískum leiðbeiningum. Fjöldi viðtala og lengd meðferðar fer eftir eðli vanda og er ákvörðuð í samráði við forráðamenn. Í ráðgjöf og meðferð er ýmist unnið eingöngu með foreldrum eða barni og foreldrum saman, allt eftir eðli vandans, aldri barns o.s.frv. Gert er ráð fyrir virkri þátttöku barna, unglinga og foreldra í meðferðarvinnu.

    Viðtöl taka alla jafna 50 mínútur og kosta kr. 16.000. Fyllsta trúnaðar er gætt í viðtölum.

    Fyrirspurnir og viðtalsbókanir

    Hægt er að hafa samband við okkur með því að smella hér eða hringja í síma 519-2211 kl. 8.45-12 og 13-16 alla virka daga. Fyrir utan þann tíma er hægt að skilja eftir skilaboð á símsvara og verður haft samband aftur við fyrsta tækifæri.

    Eftir fyrsta tíma hjá sálfræðingi afhendir sálfræðingur sitt nafnspjald með upplýsingum um símanúmer og netfang viðkomandi. Hentugast er að hringja beint í viðkomandi sálfræðing eða senda honum póst samkvæmt upplýsingum á nafnspjaldi ef þörf krefur á milli viðtalstíma. Ef upp koma neyðartilvik bendum við á bráðateymi BUGL (5431000) og neyðarnúmerið 112.

     Afbókanir

    Þú berð ábyrgð á að mæta í bókuð viðtöl. Tíminn er frátekinn fyrir þig og því biðjum við þig að afbóka eða gera breytingar með sólahrings fyrirvara svo að gjald falli ekki á þig ef þú kemst ekki. Ef þú nærð ekki að afbóka í tíma færðu sendan reikning í heimabankan þinn fyrir því sem nemur hálfri upphæð viðtalsins, helmingur fellur á Sálstofuna. Þú getur afbókað og breytt bókuðum viðtölum með tölvupósti, símtali eða sms til viðkomandi sálfræðings. Upplýsingar eru á nafnspjaldi sem þú færð í fyrsta tíma.