Fyrsta koma

    Fyrsta koma á Sálstofuna

    Sálstofan er staðsett í Hlíðasmára 17 í Kópavogi, rétt fyrir ofan Smáralind. Þar erum við á annarri hæð til vinstri.

    Þegar sálfræðingur hefur samband til að bóka fyrsta viðtal er ákveðið hvort foreldrar komi án barns eða með barnið með sér.

    Í fyrsta viðtali útskýrir sálfræðingur trúnað og farið er yfir stöðuna og væntingar. Í fyrsta viðtali barns eru foreldrar ýmist með í byrjun viðtals eða allan tímann, allt eftir þörfum fjölskyldu og óskum.  Foreldrar fylla út komublað í fyrsta tímanum, hægt er að nálgast það hér til að fylla það út fyrir tímann og koma með það. Í fyrsta viðtali eða eftir viðtalið eru foreldrar beðnir að fylla út matskvarða sem skima fyrir vanda í hegðun og líðan nema nýlegir matskvarðar liggi fyrir. Eigi foreldrar gögn sem gætu gagnast í meðferðarvinnu hjá okkur (s.s. skýrslur sálfræðinga eða lækna) mælum við með því að gögnin séu tekin með í fyrsta viðtal.

    Sé skjólstæðingur 18 ára eða eldri er annarskonar komublað fyllt út sem má nálgast hér

    Greiðslur fara fram við lok hvers viðtals. Við tökum við debet- og kreditkortum og reiðufé. Einnig er unnt að nota Pei greiðsluþjónustu.