Hrund Þrándardóttur

Hrund Þrándardóttur

Sálfræðingur
hrund@salstofan.is

Hrund útskrifaðist sem sálfræðingur frá Háskóla Íslands í júní 2003. Hún stofnaði Sálstofuna ásamt Margréti Birnu árið 2010.

Hrund starfaði við sérfræðiþjónustu skóla frá 2003, fyrst í Fræðslumiðstöð Reykjavíkur og síðar á Þjónustumiðstöð Breiðholts frá 2005. Þar sinnti hún einkum greiningum, ráðgjöf vegna leik- og grunnskólabarna, handleiðslu og fræðslu til foreldra og starfsfólks skóla. Einnig utanumhaldi og handleiðslu vegna Heildstæðs stuðnings við jákvæða hegðun (PBS) og utanumhaldi og námskeiðum í PMT-O foreldrafærni. Hrund var stundakennari í MA námi náms- og starfsráðgjafa HÍ í alls þrjár annir og stýrði ásamt Margréti Birnu kúrsinum „Persónulegir og félagslegir erfiðleikar nemenda“.

Hrund lauk sérfræðinámi í PMT foreldrafærni árið 2008 og hefur síðan þá sinnt PMT meðferð fyrir foreldra og haldið PMT foreldrafærninámskeið. Einnig kemur hún að kennslu nýrra meðferðaraðila í meðferðaraðilamenntun á vegum PMT-O foreldrafærni og grunnmenntun fyrir starfsfólk skóla.
Hrund kom á fót, hafði í nokkur á umsjón með og stýrði sumarbúðunum Stelpur í stuði sem haldnar eru í Kaldárseli og eru ætlaðar stúlkum með ADHD og skyldar raskanir.

Hrund sat í stjórn Sálfræðingafélags Íslands frá árinu 2010 til 2019, sinnti stöðu gjaldkera félagsins frá 2011 og var formaður félagsins frá 2013 til 2019. Hún er meðlimur í Sálfræðingafélaginu.